JÓGA OG NÆRing - Upp með heilsuna!
 22. JAN. - 26. FEB. 2019 

Tvisvar í viku, tvær klukkustundir í senn.

TÍMI:
Þriðjudaga kl. 19:30 - 21:30
Laugardaga kl. 10:15-12:15

STAÐUR: Heillandi hugur, Hlíðarsmára 14 kópavogi. (Fyrir ofan Smáralind.)

Dekraðu við heilsuna með vel völdum jógaæfingum, hugleiðslum, djúpslökun og fræðslu um næringu og lífstíl. Allt þetta til að koma á jafnvægi í taugakerfi og innkirtlakerfi, auka liðleika og orkuflæði og stuðla að kyrrum huga sem skilar sér í betri andlegri og líkamlegri líðan. Einkatími í næringarráðgjöf er í boði á 20% afslætti fyrir þátttakendur.

Hvað við setjum ofaní okkur og hvernig okkur tekst að melta það hefur mikil áhrif á andlega og líkamlega heilsu. Jóga stuðlar að jafnvægi milli líkama, hugar og sálar, örvar efnaskipti og vinnur gegn streitu. Næring og jóga er því hið fullkomna tvíeyki þegar huga þarf að heilsunni. 

Á námskeiðinu er bent á marga áhrifaþætti á andlega og líkamlega heilsu, s.s. skort á sólarljósi/dagsbirtu, óhollt fæði eða röng samsetning fæðunnar, áföll og streita sem getur sett virkni innkirtla eins og nýrnahetta og skjaldkirtils úr skorðum, meltingarvandamál s.s. uppsöfnun eiturefna, skorts á magasýru og meltingarensýmum og ójafnvægi í gerlaflóru þarmanna.

JÓGA OG NÆRING: 

NÆRINGAR OG HEILSUFRÆÐSLU FLÉTTAÐ SAMAN VIÐ JÓGAÆFINGAR, OG SLÖKUN MEÐ JÓGA NIDRA DJÚPSLÖKUNAR AÐFERÐINNI OG GONG TÓNBAÐI.

Hreinsun líkamans:  Þátttakendur verða fræddir um hreinsun líkamans af úrgangs- og eiturefnum og þeir sem vilja, verður hjálpað af stað í nokkurra daga mataræði sem stuðlar að hreinsun líkamans, einkum lifrarinnar. 

Ekki er nauðsynlegt að hafa reynslu af jóga til að geta tekið þátt.

Verð: 64.000 kr

Hægt að skipta greiðslum.

Hægt er að sækja um styrk til stéttarfélags vegna kostnaðar.

Skráning: Sendið póst á heida@heidabjork.com og greiðið inná reikning Ást og Friðar ehf, 610717-1010   0133   -  26   - 610717

Innifalið: 

  • Tveir jógatímar í viku, tvær klst í senn - að mestu kundalini jóga. 11 skipti (6 þriðjudagar og 5 laugardagar).

  • Fræðsla um næringu, bætiefni, jurtir, meltingu, streitu, þarmaflóru, aukaefni í mat o.fl.

  • Hollustusmakk verður í boði endrum og sinnum

  • Uppskriftir og fræðslupunktar um næringu og heilsu verða afhentir

  • Stuðningur utan jógatíma í gegnum Fésbókina

  • Leiðbeiningar um hugleiðslu, öndun og slökun og ýmis smáforrit kynnt.

  • Annan hvern tíma endum við með tónbaði með söngskálum og gongi og leiddri djúpslökun með aðferð jóga nidra.

Nánari upplýsingar gefur Heiða Björk í tölvupósti heida@heidabjork.com eða í síma 8650154

Námskeiðshaldari: Heiða Björk Sturludóttir næringarþerapisti, jógakennari, umhverfisfræðingur, sagnfræðingur og framhaldsskólakennari. 

Heiða Björk hefur haldið fjöldann allan af námskeiðum um næringu og heilsu við miklar vinsældir. Á þessu námskeiði samþættir hún heilsufræðslu við slökun og jógaæfingar.

Umsagnir um fyrri námskeið: Jóga og Næring: 

,,Það besta sem ég hef gert fyrir sjálfa mig."

,,Allt mjög gott, þægilegt og nýtt."

,,Ótrúlega fræðandi og áhugavert. Mun halda áfram í kundalini jóga út lífið!"

,,Dásamlegt námskeið."

,,Alveg yndislegur tími sem við höfum verið á þessu námskeiði. Mjög fróðlegt og gefandi."

,,Mjög fróðlegt og lærdómsríkt. Hugleiðslutónlist yndisleg."

,,Mjög gott námskeið. Finn miklar breytingar á heilsunni minni."

,,Mjög gagnlegt og gefandi. Frábært að fá að smakka á réttum og blanda saman næringarfræðslunni og jóga. Hver tími leið mjög hratt."

,,Mjög fínt. Góð samsetning, næring og jóga."

,,Heiða er persónuleg og gefandi og með góða nærveru."

,,Slökunarkvöldin sérstaklega góð."

 

Heiða Björk, kundalini jógakennari

Heiða Björk, kundalini jógakennari

Boginn.jpg
Salur Heillandi hugar, Hlíðarsmára 14

Salur Heillandi hugar, Hlíðarsmára 14

Gong-Augnpúðar-dýna1.jpg

Leikið verður á Chiron og gong, sem hér sést, í slökun. Gongið hefur lengi verið notað til heilunar og slökunar.